პარკუჭა ბარტყი

პარკუჭა ბარტყი (ფუტკრის დაავადება) 5—6-დღიანი ასაკის ბარტყის დაავადებაა, თან ახლავს მისი დაღუპვა. ჩნდება ზაფხულის პირველ ნახევარში. ხელშემწყობი ფაქტორებია საკვების უკმარისობა და ბუდის გაცივება. მისი აღმძვრელია ფილტრში გამავალი ვირუსი, რომელიც გარემოში 5—7 დღე ცოცხლობს. დაავადების ნიშნები ჯანმრთელ ბარტყს შორის გვხვდება უჯრედების გადაბეჭდვის წინ დაღუპული ბარტყი. დაღუპული ბარტყი მუქდება, მათი კანი სქელი და მკვრივი ხდება. შინაგანი ორგანოები და ქსოვილები გადაიქცევა მარცვლოვან მასად. ასეთ ბარტყს თუ უჯრედიდან ამოვწევთ, პინცეტით, მაშინ ის მიიღებს ხსნარით ავსებულ ტომსიკის ფორმას. ბარტყი გახმობის დროს გადაიქცევა ბოლოებით მოღუნულ ქერქად. უჯრედიდან ის ადვილად ცილდება. დიაგნოზს სვამენ დაავადების გარეგანი ნიშნებისა და ვირუსოლოგიური გამოკვლევის საფუძველზე. ბრძოლის ღონისძიებები საფუტკრეს კარანტინს ადებენ. ავადმყოფი ოჯახის დედას 5-7 დღით გალიაში ათავსებენ. ოჯახს აძლევენ შაქრის სამკურნალო სიროფს ან ასხურებენ 1 ლ სიროფზე ოქსიტეტრაციკლინის ან ქლორტეტრაციკლინის 500 ათასი ერთეულის დამატებით.

წყარო

მეფუტკრეობის ცნობარი