სარდონიქსი
NPLG Wiki Dictionaries გვერდიდან
სარდონიქსი, (ონიქსი, კარლეონი) – (ბერძ. sardónyx < ლათ. sarda < ბერძ. Sardios ლიდიის სახელმწიფოს დედაქალაქ (ძვ. წ. VII-VI სს.) სარდისის სახელის მიხედვით და ლათ. onyx < ბერძ. ónyx ლურსმანი, ბრჭყალი, ძარღვიანი ქვა), თეთრი, მოწითელო და შავი მოხატულობის ყავისფერი მინერალი, კვარცის ქალცედონური (ბოჭკოვანი) სახეობა, რომელშიც მცირე რაოდენობის მინარევები ქმნიან ფერად შრეებს. ჯერ კიდევ ისტორიამდელ პერიოდში გამოიყენებოდა მცირე ზომის ჩუქურთმებიანი მხატვრული ნაკეთობების (გლიპტიკა) დასამზადებლად, შემდეგში კი სარდონიქსის გამოყენებას ფართო არეალი აქვს არა მარტო საიუველირო საქმეში, არამედ მშენებლობაში (მოსაპირკეთებელი, დეკორატიული, შემოსვის ფილები, მოზაიკა) ხელოვნებაში (ლარნაკები, სასანთლეები, კოლოფები), ყოფაცხოვრებაში და სხვ.
