საშინელებათა ტრაგედია
NPLG Wiki Dictionaries გვერდიდან
„საშინელებათა ტრაგედია“ – XVI საუკუნის იტალიური თეატრისა და დრამატურგიის ჟანრი. აღმოცენდა სენეკას შემოქმედების გავლენით. მასში ასახული იყო ბოროტი ვნებანი, მხეცური სისასტიკეები; პიესები აღსავსე იყო მკვლელობათა სისხლიანი სცენებით.
„საშინელებათა ტრაგედიას“ საფუძვლად ედო პირქუში ცხოვრებისეული ფილოსოფია ბედის ცვალებადობის, ბედნიერების სწრაფწარმავლობის, ყოველივე არსებულის ამაოების შესახებ. იგი გამსჭვალული იყო რელიგიური თავშესაფრის ძიებით. „საშინელებათა ტრაგედიის“ ნიმუშებია – ჯირალდი ჩინტიოს „ორბეკა“ (1541), სპერონის „კანაკა“ (1542), დოლჩეს „მარიანა“ (1565), გროტოს „დალიდა“ (1572).
