სერიციტი
NPLG Wiki Dictionaries გვერდიდან
სერიციტი (ეპისერიცითი, ლეპიდომორფიტი) – (გერმ. sericite < შუა-საუკ. ლათ. sēricus ჩინური აბრეშუმი < ბერძ. sērikón აბრეშუმი < sērikós აბრეშუმისებრ მბრწყინავი), მინერალ მუსკოვიტის წვრილმარცვლოვანი ბოჭკოვანი სახესხვაობა, წარმოქმნილი მინდვრის შპატის ცვლილებით ფიქლებსა და ჰიდროთერმულ ქანებში. ძნელდნობადი მინერალი. არ იხსნება მჟავებში. ძლიერი გაცხელებით (წითელ ფერამდე) იშლება. კვარცთან შეზრდილი სერიციტი მეტად ძვირფასი მასალაა ფაიფურის წარმოებაში. გამოიყენება მშენებლობაში, როგორც მოსაპირკეთებელი მასალა შენობის ინტერიერებისა და ესტერიერების გასაფორმებლად.
