სტრონგილატები
NPLG Wiki Dictionaries გვერდიდან
სტრონგილატები – (Strongylata; ბერძნ. strongylos ცილინდრული), ნემატოდების ქვერაზმი.
მდედრი სტრონგილატებისათვის დამახასიათებელია კარგად განვითარებული სასქესო სისტემა, მამრებისათვის – კუდის ბოლოზე სამფარფლიანი სასქესო ბურსა. ზრდასრული ფორმების საყლაპავი კვერთხისებრი ფორმისაა. სტრონგილატები გეო- და ბიოჰელმინთებია. პარაზიტობენ სასუნთქ სისტემასა და საჭმლის მომნელებელ ტრაქტში. გავრცელებულია ყველგან.
