ტოქსოპლაზმა
NPLG Wiki Dictionaries გვერდიდან
ტოქსოპლაზმა – (Toxoplasma gondii; ბერძნ. toxon თაღი + plasma გამოძერწილი, გაფორმებული; gondii მღრღნელის – Ctenodactylus gondii-ს დასახელებიდან, რომლის ორგანიზმში პირველად აღმოაჩინეს ტოქსოპლაზმა). აღმძვრელს რკალისებრი ფორმა აქვს და ფორთოხლის წილს მოგვაგონებს, თუმცა მას შეიძლება ოვალური ან მრგვალი ფორმაც ჰქონდეს. ტოქსოპლაზმის ზომები 4-7x2-4 მიკრონია. დეფინიტური მასპინძელია კატა, რომლის ნაწლავების ეპითელურ უჯრედებში მიმდინარეობს ტოქსოპლაზმას განვითარების მეროგონიისა და გამეტოგონიის პროცესები. კატა ფეკალთან ერთად გარემოში გამოყოფს იზოსპოროიდული ტიპის ოოცისტებს. შუალედური მასპინძელი – ძუძუმწოვრები, მათ შორის, ადამიანი, აგრეთვე ფრინველები და რეპტილიები.
