ტყის ფარსმანდუკი
NPLG Wiki Dictionaries გვერდიდან
ტყის ფარსმანდუკი – (Achillea biserrata M. Bieb.); ოჯახი: რთულყვავილოვნები (Asteraceae). მრავალწლიანი ბალახოვანი მცენარეა. მთელი მცენარე შიშველია ან თხლად შებუსული. ღერო მარტივია, სწორი. სიმაღლე – 30-100 სმ, უხვად შეფოთლილი, ფოთლები ხაზურ-ლანცეტა ფორმისაა, წაწვეტებული, ორმაგბასრხერხკბილა. ყვავილედი კალათია, რომლებიც ფარისებურ ყვავილედებადაა შეკრებილი. ყვავილები თეთრია. ყვ. ნაყ. VI-VIII მცენარე იზდება მთის შუა და ზედა სარტყლებში, ტყეებში, ტყის პირებსა და ველობებზე. კახეთში მისი ნახვა შესაძლებელია თითქმის ყველგან. გავრცელებულია მთელ საქართველოში.
