უესტონი ედუარდ
ედუარდ უესტონი - (Edward Weston, 1886-1958) კალიფორნიელი არტისტი ედუარდ უესტონი, თავის 1920-იან წლებში შექმნილი, ექსპერიმენტული ფოტოების სერიაში, ო’კიფის მიერ გაკვალულ გზას დაადგა. მცენარეული მოტივების ბუნებრივი კონტექსტიდან ამოღებითა და კადრის მაქსიმალური მოახლოებით, მან განსაკუთრებულად წარმოაჩინა მცენარეთა აბსტრაქტული ნახჭები.
1922 წელს, ნიუ იორკში მოგზაურობისას, უესტონი ჯორჯია ო’კიფს შეხვდა. ამასთან, ის თავისი მონათესავე სულების, ფოტოგრაფების - ალფრედ შტიგლიცისა და პოლ სტრენდის (Paul Strand, 1890-1976) მიმდევარი გახდა და ამტკიცებდა, რომ ფოტოგრაფია მაღალი ხელოვნების კანონიერი მედიუმია, რომელსაც შეუძლია თანაბარი ძალით გამოავლინოს როგორც დოკუმენტაციის, ისე აბსტრაქტული ხელოვნების შექმნის შესაძლებლობები. ნამუშევარში საქულენთი უესტონმა მარტივ ხერხს მიმართა - ბნელ ოთახში დაყენებული კამერა მან პირდაპირ ობიექტზე მიმართა და ფართო ფორმატის შუშის ნეგატივზე გასაოცარი მკაფიოებით აღბეჭდა მისი დეტალები. უესთონის მტკიცებით, მიუხედავად იმისა, რომ ობიექტივი ადამიანის თვალზე განუზომლად მეტს ხედავს, ფოტო-გამოსახულების ხარისხი მხოლოდ ფოტოგრაფის მხატვრულ არჩევანზეა დამოკიდებული.
