ფლოგოპიტი

ფლოგოპიტი – ქარსების ჯგუფის სილიკატების კლასის მინერალი. ქიმიური ფორმულა – KMg3(AlSi3O10)(F,OH)2.

მინარევებია: Na, Ti, Mn, Rb და სხვ. აქვს ფირფიტისებრი ან პრიზმული კრისტალები, ქერცლოვანი აგრეგატები. ჩვეულებრივ, მწვანეა ან მურა, ხოლო სახეობები, რომლებიც რკინას არ შეივცავს, უფერულია. აქვს სრულყოფილი ტკეჩადობა. სიმაგრე მინერალოგიური სკალით 2,2-5; სიმკვრივე 2780-2850 კგ/მ³. გვხვდება მეტამორფულ ქანებში. გამოიყენება ელექტროსაიზოლაციო მასალად.

წყარო

სამშენებლო ენციკლოპედიური ლექსიკონი