ქათიბი
NPLG Wiki Dictionaries გვერდიდან
ქათიბი - ძვირფასი ბეწვით გაწყობილი ტანსაცმელი. როგორც ივ. ჯავახიშვილი აღნიშნავს, ქათიბი არაბულად მწერალს ნიშნავს, რაც მაუწყებელი უნდა იყოს იმისა, რომ იგი თავდაპირველად მოხელეთა ტანსაცმელი უნდა ყოფილიყო. განსაკუთრებით ფასობდა სიასამურის ბეწვით გაწყობილი ქათიბი, იკერებოდა სხვადასხვა ფერის ატლასისა და ხავერდისაგან. ქათიბი ძვირფას ტანისამოსთა რიგს განეკუთვნებოდა და ძალზე ხშირადაა მოხსენიებული მაღალი სოციალური ფენის მზითვის წიგნებში.
ლიტერატურა
ივ. ჯავახიშვილი, მასალები ქართველი ერის მატ. კულტ. ისტორიისათვის. 1962 ე.ნ.
