ღვინა
NPLG Wiki Dictionaries გვერდიდან
ღვინა - (Fritillaria latifolia Willd); ოჯახი: შროშანისებრნი (Liliaceae). მცენარის სიმაღლე 30 სმ-ია, მომსხო და ზედა ნაწილში შეფოთლილი. აქვს 5-6 ფოთოლი, ოვალური ან ვიწრო-ლანცეტა ფორმის. ყვავილსაფარი ღვინისფერ-მეწამულია ან იისფერი. ყვ. ნაყ. IV-VI. იზრდება სუბალპურ და ალპურ სარტყლებში, მდელოებზე, დეკიანებსა და ღვიიანებში. კახეთში საკმაოდ იშვიათია. მისი ნახვა შესაძლებელია ლაგოდეხის დაცულ ტერიტორიაზე.
