შავწამალა (Scrophularia scopolii Hoppe)
NPLG Wiki Dictionaries გვერდიდან
შავწამალა (Scrophularia scopolii Hoppe ex Pers.); ოჯახი: შავწამალასებრნი (Scrophulariaceae). 20-100 სმ სიმაღლის ორწლიანი ბალახოვანი მცენარეა, შეფერილობით მწვანე ან მურა იისფერი. ღერო დატოტვილია, ჯირკვლოვანი ბეწვით შემოსილი. ფოთლები მოპირისპირეა, შებუსული, თითქმის მთლიანი, კიდეზე ორმაგად დაკბილული, ფორმით მოგრძო, გულისებური. ყვავილედი იღლიურია, ნახევრად ქოლგა, გვირგვინი მურა ფერისაა. ყვ. ნაყ. VI-VIII. იზრდება მთის შუა სარტყლიდან სუბალპურ სარტყლამდე – ტყეებში, ფერდობებზე. კახეთში მისი ნახვა შესაძლებელია სოფელ შენაქოში. გავრცელებულია თითქმის მთელ საქართველოში.
