ჩიტიბუდა
NPLG Wiki Dictionaries გვერდიდან
ჩიტიბუდა - (Neottia nidus-avis [L.] Rich.); ოჯახი: ჯადვარისებრნი (Orchidaceae). მრავალწლიანი პარაზიტი ბალახოვანი მცენარეა. ღერო ხასიათდება ქერცლის მსგავსი წაბლისფერი ფოთლებით. ყვავილედი გრძელია, მისი ზედა ნაწილი ხშირყვავილი ჯანია, ქვედა – მეჩხერი. ყვავილები მურა ფერისაა, სქელ დაგრეხილ ყუნწებზე მსხდომნი, თაფლისსუნიანი. ყვავილსაფრის გარეთა ფოთლები. უკუკვერცხისებურია, ბლაგვი, შიგნითა – ოდნავ მოკლე. ყვ. ნაყ. VI-VII. იზრდება მთის ქვედა, შუა და ზედა სარტყლების შერეულფოთლოვან და წიწვოვან ტყეებში, დაჩრდილულ ადგილებში. კახეთში მისი ნახვა შესაძლებელია ქალაქ თელავის მიდამოებში, ლაგოდეხის დაცულ ტერიტორიაზე. გავრცელებულია მთელ საქართველოში.
