ჭრელიძეები (რაჭის ერისთავები)

ჭარელისძეები: აღბუღა, ციცი, ქველ, მირიანი - რაჭის ერისთაები XIV ს-ის მიწურული - XV ს.; XIV-XV სს-თა მიჯნაზე რაჭის საერისთავო აღდგენილია. ამ დროს რაჭის ერისთავად ზის ვინმე აღბუღა. სასისხლო სიგელთა მონაცემებზე დაყრდნობით, ო. სოსელია მას ჭარელისძედ მიიჩნევს. კოტრიძეთა სასისხლო სიგელის ცნობით, 1432 წ. რაჭის ერისთავი ციცი ჭარელისძეა. რაჭის ერისთავს ქველ ჭარელისძეს აუშენებია სორის ეკლესია, თუმცა არსებულ წარწერაში ქველი ერისთავად არ იხსენიება. XV ს-ის 80-იანი წწ-ის დასაწყისში რაჭის ერისთავი მირიან ჭარელისძე მოწმედ გამოდის სასისხლო განჩინებებში.

წყაროები და ლიტერატურა

• კაკაბაძე 1912: 9-11;
• კაკაბაძე 1913: 19;
• ქისკ 2014: 266, 267.
• სოსელია 1973: 73.

წყარო

ცენტრალური და ადგილობრივი სამოხელეო წყობა შუა საუკუნეების საქართველოში