ხებალახა
NPLG Wiki Dictionaries გვერდიდან
ხებალახა – (Solanum persicum Roem. & Schult. – Solanum pseudopersicum Pojark.); ოჯახი: ძაღლყურძენასებრნი (Solanaceae). ძლიერ დატოტვილი, მხოხავი ბუჩქია. სიმაღლე 3 მ-მდეა. ფოთლები ყუნწიანია, მოგრძო-კვერცხისებური, კიდემთლიანი ყვავილედი დაკიდებული, ქოლგისებური საგველაა. გვირგვინი სოსანია. ყვ. ნაყ. VI-X. მცენარე გავრცელებულია ტენიან ხეობებში, ბუჩქნარებში. კახეთში მისი ნახვა შესაძლებელია ქალაქ თელავის მიდამოებში. გავრცელებულია თითქმის მთელ საქართველოში.