ჯაბაური გიორგი

გიორგი ჯაბაური

ჯაბაური გიორგი − (1874 − 1962), მსახიობი, პოეტი. დაიბადა თბილისში. 1893 წელს დაამთავრა თბილისის სახელოსნო სასწავლებელი და იქვე დაიწყო მუშაობა. 1903-1933 წლებში მუშაობდა თბილისის რკინიგზის მთავარ სახელოსნოში. სცენაზე პირველად 1891 წელს გამოვიდა სცენისმოყვარეთა სპექტაკლში. ის აქტიურ მონაწილეობას იღებდა პირველი სახალხო თეატრის, ე. წ. „ავჭალის აუდიტორიის” დაარსებაში. 1909-1933 წლებში მუშაობდა ზუბალაშვილების მიერ აშენებულ თბილისის სახალხო თეატრში. 1956 წელს დაიბეჭდა მისი „მოგონებანი”, ლექსების კრებული გამოიცა 1906 და 1920 წლებში.

წყარო

ქართველი პოეტები (ენციკლოპედია)