ტყვიისმიერი ენცეფალოპათია
ხაზი 6: | ხაზი 6: | ||
+ | ==იხილე აგრეთვე== | ||
+ | [[ტყვიით მოწამვლა]] | ||
==წყარო== | ==წყარო== |
მიმდინარე ცვლილება 14:17, 3 ივლისი 2019 მდგომარეობით
ტყვიისმიერი ენცეფალოპათია - (lead encephalopathy), ტყვიით მოწამვლით გამოწვეული ტვინის სერიოზული დაზიანება. მწვავე სტადიაში წარმოდგენილია დელირიუმით, კრუნჩხვებით, მენინგიზმით, ჰიპერტენზიითა და ქალასშიდა წნევის მომატების ნიშნებით; ტვინის კომპრესიის შედეგად, განსაკუთრებით ბავშვებში, შესაძლოა კომა ან სიკვდილი გამოიწვიოს.
ქრონიკული ფორმის – კლინიკურ სურათში დომინირებს სისუსტე, მდგრადი თავის ტკივილები, ყურადღების კონცენტრაციისა და მეხსიერების დარღვევები, დეპრესია, გარდამავალი აფაზია, სმენისა და მხედველობის დარღვევები, სმენითი და მხედველობითი იზოლირებული ჰალუცინაციები.
რეზიდუალურ დარღვევებში შედის: კოგნიტიური დარღვევები, ეპილეფსია, სიბრმავე; ბავშვებში – გონებრივი ჩამორჩენილობა და ცერებრალური დამბლა. მწვავე და ქრონიკული ინტოქსიკაციის გარდა, ცნობილია, რომ განვითარების პრენატალურ ეტაპსა და ბავშვთა ასაკში ტყვიის მცირე დოზების ექსპოზიცია სუბკლინიკურ ნეიროქცევით ცვლილებებს იწვევს, რაც IQ-ს შემცირებით, ნევროლოგიური მიკროსიმპტომატიკით, სპეციფიკური სასკოლო უნარ-ჩვევების დარღვევითა და ქცევითი აშლილობებით ვლინდება.