ზაფრანი (ატმის ჯიში)
ზაფრანი - ატმის სომხური ჯიშია. გავრცელების მხრივ მეორე ადგილი უჭირავს. საქართველოს რაიონებში ნაკლებად არის გავრცელებული, მაგრამ თავისი კარგი თვისებების გამო პერსპექტიულ ჯიშად უნდა ჩაითვალოს.
ზამთრის ყინვების კარგი ამტანია, უხვმოსავლიანი, ძლიერ ზიანდება სოკოვანი დაავადებით. ნაყოფის გემოს მაღალი ხარისხის გამო საუკეთესო საკონსერვო ჯიშად ითვლება და მისაღებია აგრეთვე როგორც სუფრის ჯიში.
სიმწიფის დრო ნარინჯისას მოსდევს. ხე ძლიერი განიერ–პირამიდული ზრდისაა, ხშირი დატოტვით და უხვად შეფოთლილი. ნაყოფი საშუალო სიდიდისაა, ზოგჯერ მსხვილი, კვერცხისებრი ფორმის, ბოლოში წაგრძელებული დიდი ნისკარტით.
ნაყოფის კანი მკვრივია, სქელი, მოყვითალო ზაფრანის ფერისა, მუქი წითელი ზოლებით, ხავერდისებრი შებუსვით. ნაყოფის ხორცი მკვრივია, ყვითელი, ტკბილი, მცირე მჟავეობით და ცოტათი მწკლარტე სახრავი ჯიშია.
