მავედრებელი ქალები

15:11, 11 ოქტომბერი 2016-ის ვერსია

მავედრებელი ქალები - ძველი ბერძენი დრამატურგის ესქილეს ტრაგედია. პირველად დაიდგა ძვ. წ. 462 წელს.

ესქილეს "მავედრებელი ქალები" აგებულია დანაიდების მითის საფუძველზე. ტრაგედიის მოქმედება წარმოებს არგოსში, ჰერას ტაძრის წინ. ამ ტრაგედიაში მოქმედება საკმაოდ სუსტად არის განვითარებული და ასახავს ტრაგედიის განვითარების იმ ეტაპს, როდესაც ლირიკულ ელემენტს ჯერ კიდევ დიდი ადგილი ეკავა და საგუნდო პარტიები ტრაგედიის მთავარ ნაწილს შეადგენდა. "მავედრებელ ქალებში" 1078 ტაეპიდან 650 დანაიდების გუნდის სიმღერაა.

ტრაგედიაში პოეტი ატარებს ორ იდეას: სტუმართმოყვარეობის იდეას და სახელმწიფო უფლებების იდეას. სტუმარტმოყვარეობის იდეა თვით მითშია მოცემული (ყოველი მეფის მოვალეობაა მიიღოს სტუმარი და იზრუნოს მასზე), ხოლო იდეა სახელმწიფო უფლებისა, ესქილეს იდეაა. ამით ის პასუხობს თავისი დროის საჭიროებას.

ტრაგედია ძვ. წ. 462 წელს დაიდგა, როდესაც ბერძნებს ათენელების მეთაურობით გადამწყვეტი ბრძოლები ჰქონდათ სპარსელებთან. სპარსელების წინააღმდეგ შეკავშირებულ ბერძნულ პოლისებს ერთმანეთთან ხელშეკრულებები ჰქონდათ დადებული. ხელშეკრულების დარღვევა გამოიწვევდა სახელმწიფოთა შორის მშვიდობიანი ურთიერთობების დარღვევას. სწორედ სახელმწიფო უფლებების დაცვას ემსახურება არაერთი ადგილი ესქილეს ამ ტრაგედიაში.

გამოცემები ქართულ ენაზე

• ტრაგედიები / [წინასიტყვ. ესქილეს დრამები-ავტ. და ძვ. ბერძნ. მთარგმნ. გიგლა სარიშვილი]; საქ. სსრ მწერ. კავშ. არსებ. მხატვრ. თარგმ. და ლიტ. ურთიერთ. მთ. სარედ. კოლეგია. შინაარსი: მავედრებელნი.სპარსელები. შვიდთა ლაშქრობა თემებზე. მიჯაჭვული პრომეთე. ორესტეა (აგამემნონი, ქოეფორები, ევმენიდები).თბ.: მერანი, 1978.

წყარო

• ყაუხჩიშვილი, სიმონ, ანტიკური ლიტერატურის ისტორია.