მაკართური დუგლას II
დუგლას II მაკართური – (5 ივლისი 1909 - 15 ნოემბერი 1989), აშშ-ის დიპლომატი. დიპლომატიური მოღვაწეობა დაიწყო 1935. მუშაობდა აშშ-ის დიპლომატიურ წარმომადგენლობებში კანადაში (1935-36), იტალიაში (1937-38), საფრანგეთში (1938-40 და 1944-48), პორტუგალიაში (1940), „ვიშის მთავრობასთან“ (1940-42), ევროპაში მოკავშირეთა შეიარაღებული ძალების მთავარსარდლის შტაბთან (1944), ბელგიაში (1948-49). 1949-51– აშშ-ის სახელმწიფო დეპარტამენტის დასავლეთ ევროპის ქვეყნების განყოფილების უფროსი; 1951-52 – ევროპაში აშშ-ის შეიარაღებული ძალების უმაღლესი მთავარსარდლის შტაბის პოლიტიკური მრჩეველი; 1953-56 – აშშ-ის სახელმწიფო დეპარტამენტის მრჩეველი: მონაწილეობდა ბერმუდის თათბირში 1953, ჟენევის თათბირში (1955): 1954-61 – იაპონიაში აშშ-ის ელჩი; 1961-65 –აშშ-ის ელჩი ბელგიაში: I965-67 – აშშ-ის სახელმწიფო მდივნის თანაშემწე კონგრესთან ურთიერთობის საკითხებში: 1967-69 – აშშ-ის ელჩი ავსტრიაში; 1969-72 – ირანში; 1972 გადადგა.
