მარუაშვილი იოსებ

14:37, 6 თებერვალი 2019-ის ვერსია

მარუაშვილი იოსებ მალაქიას ძე - (1876, ქუთაისი - ?) - სოციალ-დემოკრატი. საქართველოს დემოკრატიული რესპუბლიკის ეროვნული საბჭოს (პარლამენტის) წევრი.

საშუალო განათლება ქუთაისში მიიღო. პროფესიით მიწის მზომელი.

1918 დამოუკიდებლობის გამოცხადების შემდეგ, სოციალ-დემოკრატიული მუშათა პარტიის სიით შევიდა განახლებულ ეროვნულ საბჭოში. იყო ეროვნული საბჭოს სარწმუნოებათა კომისიის მდივანი. 1918 წლის 10 სექტემბერს ეროვნული საბჭო დატოვა. დამოუკიდებ- ლობის პერიოდში იყო წ.კ.გ. საზოგადოების წევრი. სხვა ბიოგრაფიული მონაცემები არ მოიძებნა.

ირაკლი ირემაძე

ლიტერატურა

სცსა, ფ. 1836, აღწ. 1, საქ. 109, 119, 127.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი

იხილე აგრეთვე

იოსებ მალაქიას ძე მარუაშვილი