ნორმალური წარმოებული

ნორმალური წარმოებული — წარმოებული სივრცეში (ან სიბრტყეზე) მოცემული ფუნქციისა რომელიმე ზედაპირის ნორმალის გასწვრივ (შესაბამისად იმავე სიბრტყეში მოთავსებული წირის ნორმალის გასწვრივ).

ვთქვათ S ზედაპირია, P არის S-ის წერტილი, ხოლო f ფუნქცია განსაზღვრულია წერტილის რაიმე მიდამოში. მაშინ f -ის ნორმალური წარმოებული P წერტილში არის f(A) – f(P) -სა (სადაც A არის S ზედაპირის P წერტილზე გავლებული ნორმალის წერტილი, რომელიც მიისწრაფვის P -კენ S-ის ერთი მხრიდან) და A-დან P-მდე მანძილის ფარდობის ზღვარი.

იმის მიხედვით, თუ რომელი მხრიდან მიისწრაფვის A წერტილი P -კენ, ანსხვავებენ f-ის წარმოებულს შიგა და გარე ნორმალის მიხედვით.

წყარო

მათემატიკის ენციკლოპედიური ლექსიკონი