საბაშვილი პარმენ

17:50, 20 თებერვალი 2019-ის ვერსია

საბაშვილი პარმენ ივანეს ძე (1883, ოზურგეთი - 17.IX.1937, თბილისი) - სოციალისტ-რევოლუციონერი. საქართველოს ეროვნული საბჭოს წევრი. იურისტი.

1918 წლის 26 მაისს ხელი მოაწერა საქართველოს დამოუკიდებლობის აქტს. 1918 იყო გზათა მინისტრის ამხანაგი. შემდომში მუშაობდა სურსათის მომარაგების კომისიაში (სამინისტროში).

საბჭოთა ოკუპაციის შემდეგ დარჩა საქართველოში. ცხოვრობდა ბათუმში, ეწეოდა საადვოკატო საქმიანობას. 1937 დააპატიმრეს, ბრალად ედებოდა კონტრრევოლუციური საქმიანობა. სამხედრო კოლეგიის გადაწყვეტილებით, სასჯელის უმაღლესი ზომა, დახვრეტა მიესაჯა. 1958 საბჭოთა კავშირის უზენაესი სასამართლოს სამხედრო კოლეგიამ მისი რეაბილიტაცია მოახდინა.

ირაკლი ირემაძე

ლიტერატურა

• გ. შარაძე, ისტორიული რელიქვიების დაბრუნება, თბ., 2000;
• სცსა, ფ. 1929, აღწ. 1, საქ. 1.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი

იხილე აგრეთვე

• პარმენ საბაშვილი
• სტალინური სიები საქართველოდან