ცეცხლგამტარი ზონარი

ცეცხლგამტარი ზონარი – ბიკფორდის ზონარი, ცეცხლის იმპულსის გადაცემის საშუალება დროის გარკვეულ შუალედში კაპსულდეტონატორის ან დენთის მუხტის ასამუშავებლად. შედგება დენთის შუაგულისა და წყალგაუმტარი დაფარვის მრავალფენიანი გარსისგან. ცეცხლგამტარი ზონარის დიამეტრია 5-6 მმ, წვის სიჩქარე დაახლოებით 10 მმ/წმ (წყალქვეშ, 5 მ სიღრმემდე, მეტი სისწრაფით იწვის).

გამოიგონა 1831 წელს ინგლისელმა მეცნიერმა უ. ბიკფორდმა.

წყარო

ქართული სამხედრო ენციკლოპედიური ლექსიკონი