პავლე აზარაშვილი

     პავლე აზარაშვილი დაიბადა ქ. ახალციხეში, მუშის ოჯახში. ახალციხის საქალაქო სკოლის დამთავრების შემდეგ, 1919 - 1923 წლებში, მუშაობდა მუშად სხვადასხვა სამუშაოზე. 1924 წელს შევიდა სკკპ რიგებში. 

     მუშაობდა: საქართველოს კომკავშირში ხელმძღვანელ თანამდებობებზე. (1924 - 1929); ბორჯომის კპ რაიონული კომიტეტის მდივნად (1929 - 1931); საქართველოს ალკკ-ს ცკ პირველ მდივნად (1931 - 1932); ლაგოდეხის პარტიის რაიონული კომიტეტის პირველ მდივნად (1932 - 1936); დუშეთის პარტიის რაიონული კომიტეტის პირველ მდივნად (1936 - 1937); საქართველოს კვების მრეწველობის სამინისტროს "სამტრესტის" მმართველად (1937 - 1946); საკავშირო საგემოვნო მრეწველობის მინისტრის მოადგილედ (1946 - 1949); "გლავვინოს" ორგანიზაციის უფროსად (1949 - 1952); "სამტრესტის" მოსკოვის ღვინის ქარხნის დირექტორად პენსიაში გასვლამდის (1952 - 1967).

     1957 წელს დაამთავრა ქ. მოსკოვის მარქსიზმ - ლენინიზმის საღამოს უნივერსიტეტი.

     ბატონ პავლეს ჰქონდა გამოქვეყნებული 45 შრომა, მათ შორის 43 მევენახეობა - მეღვინეობაზე. მისი შრომები გამოცემულია 5 წიგნად: სსრკ-ში მევენახეობა - მეღვინეობის განვითარების საკითხებზე – ორ წიგნად; საქართველოს ყურძნის ღვინოები და კონიაკები – ორ წიგნად და ნახევრადტკბილი ღვინოების წარმოება სსრკ-ში – ერთ წიგნად.

     იგი იყო მევენახეობა - მეღვინეობის დარგის კვალიფიციური სპეციალისტი და ორგანიზატორი.

     საქართველოს სსრ 15 წლისთავთან დაკავშირებით სსრ კავშირის ცაკ-ის დადგენილებით ამხ. აზარაშვილი დაჯილდოებულია "საპატიო ნიშნის" ორდენით.

    მიღებული ჰქონდა მთავრობის ჯილდოები.

    წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 21 გვ.

• დაჯილდოებულია "საპატიო ნიშნის" ორდენით
  საქართველოს სსრ 15 წლისთავთან დაკავშირებით