იოსებ მჟავანაძე

   იოსებ მჟავანაძე დაიბადა 1929 წელს მახარაძის რაიონის სოფელ ასკანაში.

   თბილისის N8 ვაჟთა საშუალო სკოლის დამთავრების შემდეგ სწავლა განაგრძო საქართველოს სასოფლო-სამეურნეო ინსტიტუტის აგრონომიული ფაკულტეტზე, რომელიც დაამთავრა 1960 წელს. 1963–1974 წლებში სწავლობდა ამავე ინსტიტუტის მეღვინეობის ტექნოლოგიის ფაკულტეტზე.

  1949 წლიდან 1986 წლამდე იმუშავა: თბილისის აბრეშუმის ფაბრიკაში; ლიქიორ-არყოს ქარხანაში; ღვინის ქარხანაში მუშად; მუხრანის სასწავლო-საცდელი მეურნეობის ღვინის სარდაფში ინჟინერ-ტექნოლოგად. 1986 წლიდან მუშაობას განაგრძობს მუხრანის ღვინის ქარხანაში მთავარ ინჟინრად, დირექტორად; "სამტრესტი"–ს აპარატში  – მთავარ სპეციალისტად. მას საკმაო წვლილი მიუძღვის ქართული შამპანური ღვინოების წარმოების საქმეში. მინიჭებული ჰქონდა საქართველოს დამსახურებული მეღვინის საპატიო წოდება.

    იოსებ მჟავანაძე გარდაიცვალა 1997 წელს.

 წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე; თბილისი: ღვინის სახლი, 1999. - 188 გვ.

• საქართველოს დამსახურებული მეღვინის საპატიო წოდება