„კოლხა ქორთუა" მეოცე საუკუნის მიწურულის საქართველოს სინამდვილის ამსახველი ნაწარმოებია, სადაც წარმოჩენილია ხანგრძლივი ძილისაგან გამოფხიზლებული ერის ძალმოსილების გამოვლენა, სამართლიანი და გულმხურვალე ბრძოლების ვნებათაღელვა, გმირ მამულიშვილთა თაოსნობითა და წინამძღოლობით, სიკეთის გამარჯვება ბოროტებაზე. წიგნისადმი ინტერესს ისიც ზრდის, რომ მასში აღწერილი მოვლენები თვითმხილველისა და მონაწილის კალმითაა შესრულებული, განსაკუთრებით შთამბეჭდავია ახალგაზრდების ცხოვრებისა და აქტიურობის წინააღმდეგობრივი გზების ძიების ცოცხალი სურათები.