11 ივნისს საქართველოს პარლამენტის ეროვნული ბიბლიოთეკის საგამოფენო დარბაზში გაიმართა დავით გურგენიძის წიგნის „ჭადრაკი ქართველი ხალხის ცხოვრებაში" მეორე ნაწილის პრეზენტაცია.
წიგნის პრეზენტაციაზე მკითხველი გაეცნო ჭადრაკის კვალს ძველ ქართულ ლიტერატურულ ძეგლებში; ემიგრანტი ქართველების ჭადრაკთან ურთიერთობის ფაქტებსა და ქართველი პოეტების იმ ლექსებს, რომლებიც ნონა გაფრინდაშვილისა და მაია ჩიბურდანიძის ხუთ-ხუთჯერ „გადედოფლებას" მიეძღვნა.
წიგნში განხილულია უამრავი საინტერესო საჭადრაკო ისტორია ცნობილი ადამიანების ცხოვრებიდან.
ავტორმა პრეზენტაციის მსვლელობისას დააანონსა, რომ ახლო მომავალში წიგნის მესამე ნაწილსაც იხილავს მკითხველი.