საქართველოს პარლამენტის ეროვნული ბიბლიოთეკის დირექტორის მოადგილემ მირიან ხოსიტაშვილმა და ეროვნული ბიბლიოთეკის წარმომადგენლებმა ახმეტის მუნიციპალიტეტის სოფელ ზემო ალვანში სკვერის ბიბლიოთეკა გახსნეს. სკვერის ბიბლიოთეკა წიგნებითაც მომარაგდა.
ეროვნული ბიბლიოთეკა აგრძელებს თავის ერთ-ერთ ყველაზე მნიშვნელოვან პროექტს - „სკვერის ბიბლიოთეკები საქართველოს რეგიონებში". პროექტი წიგნის კითხვის პოპულარიზებასა და წიგნიერების ამაღლებას ისახავს მიზნად.
ეროვნული ბიბლიოთეკის წარმომადგენლებმა წიგნები გადასცეს „წოვათის თემის საინფორმაციო-კულტურულ ცენტრსაც".