22-23 აპრილს საქართველოს ეროვნულ ბიბლიოთეკაში „SIERRA" - სამუშაო კონფერენცია ქართულ-ესტონური თანამშრომლობის ფარგლებში" გაიმართა.

კონფერენცია ეროვნული ბიბლიოთეკის გენერალურმა დირექტორმა კონსტანტინე გამსახურდიამ გახსნა. „საქართველოს ეროვნულ ბიბლიოთეკას ესტონელი კოლეგა, საბიბლიოთეკო სისტემის სპეციალისტი ქალბატონი რიინ ოლონენი ესტუმრა. მან ქართველ კოლეგებს საბიბლიოთეკო პროგრამა SIERRA-ში მუშაობის გამოცდილება გაუზიარა. ორდღიან კონფერენციას პრაქტიკული მუშაობის ხასიათი ჰქონდა. მოხარულები ვართ, რომ ღონისძიებას ჩვენი აზრებაიჯანელი კოლეგებიც დაესწრნენ", - განაცხადა კონსტანტინე გამსახურდიამ.

ესტონეთის ეროვნულ ბიბლიოთეკაში საბიბლიოთეკო პროგრამა  SIERRA-ს 1999 წლიდან იყენებენ. საქართველოს ეროვნულ ბიბლიოთეკაში ეს პროგრამა 2015 წლიდან დაინერგა. ამ წლების განმავლობაში როგორც ქართველ, ისე ესტონელ საბიბლიოთეკო სისტემების სპეციალისტებს მნიშვნელოვანი გამოცდილება დაუგროვდათ, რომლის გაზიარებაც პროგრამის გამოყენებას გააუმჯობესებს.