„ქართულ-სომხური ურთიერთობები ტფილისის სომხურ პრესაში" - ეროვნული ბიბლიოთეკის ამ ახალ, უაღრესად საინტერესო გამოცემაში პირველად მოიყარა თავი სომხურ გაზეთებში დაბეჭდილმა სტატიებმა.
კრებული მოიცავს გაზეთ „ორიზონსა" და გაზეთ „ჟოლოვრდი ძაინში" 1918 წლის ოქტომბერ-დეკემბერში დაბეჭდილ სტატიებს.
მასალა გამოსაცემად შეკრიბა, სომხურიდან ქართულად თარგმნა და კრებულს წინასიტყვაობა დაურთო ბიბლიოთეკათმცოდნეობისა და სტანდარტების განყოფილების თანამშრომელმა, არმენოლოგმა, ისტორიის მეცნიერებათა დოქტორმა, გამოცემის რედაქტორმა ლია გიგაურმა. რედაქტორის ასისტენტი - ბიბლიოთეკათმცოდნეობისა და სტანდარტების განყოფილების თანამშრომელი თინათინ იოსავა.
ქართულ-სომხური ურთიერთობებით დაინტერესებული მკვლევრებისთვის და მკითხველებისთვის კრებული განსაკუთრებით მნიშვნელოვანი და საინტერესოა სწორედ იმით, რომ მასში სტატიები ქართულ ენაზეა თავმოყრილი.