არღუტინსკი-დოლგორუკოვი ალექსანდრე ივანეს ძე
ალექსანდრე ივანეს-ძე არღუტინსკი-დოლგორუკოვი, (გარდ.10.08.1882), თავადი, გენერალ-მაიორი (02.08.1882)
დაიბადა ქ.ტფილისში.
1839 წელს დაამთავრა I კადეტთა კორპუსი ქ.მოსკოვში და დაიწყო სამხედრო სამსახური პოლოცკის ეგერთა პოლკში.
1849 წელს მონაწილეობდა უნგრეთის რევოლუციის ჩახშობაში.
1856 წლიდან მსახურობდა კავკასიაში, სადაც 1876 წლამდე მეთაურობდა ქართულ ქვეით რაზმს.
1876-1878 წლებში მეთაურობდა კავკასიის მე-2 სახაზო ბატალიონს.
მონაწილეობდა რუსეთ-თურქეთის (1877-1878) წლების ომში. ომის დროს მეთაურობდა რუსეთის ჯარების რაზმის კოლონას არტილერიით გაგრასთან.
1878-1882 წწ. მეთაურობდა ყუბის 155-ე ქვეით პოლკს.
1882 წელს გადადგა სამხედრო სამსახურიდან ავადმყოფობის გამო მუნდირით და პენსიით.
საბრძოლო დამსახურებისათვის დაჯილდოებული იყო ოქროს ხმლით (მამაცობისათვის-1877) და ბრილიანტის ბეჭდით იმპერატორ ალექსანდრე II ვენზელით.
გარდაიცვალა ქ.ტფილისში. დაკრძალული იყო ხოჯევანქის სომხური სასაფლაოს საგვარეულო აკლდამაში (სასაფლაო განადგურდა საბჭოთა ხელისუფლების დროს 1934 წ.).
