კალანდაძე-აღასოვი ოლღა

კალანდაძე-აღასოვი ოლღა

კალანდაძე-აღასოვისა ოლღა - (?-?) - კოლორატურული სოპრანო.

საოპერო თეატრში 1918 წლიდან მოღვაწეობდა. შეასრულა ქრისტინეს პარტია რ. გოგნიაშვილის „ქრისტინეში“. დამოუკიდებელ საქართველოში, 1919 წლის 5 თებერვალს იყო ნინოს როლის პირველი შემსრულებელი დ. არაყიშვილის ოპერაში „თქმულება შოთა რუსთაველზე“; ასევე აგრეთვე, ქეთოს პირველი შემსრულებელი ვ. დოლიძის ოპერაში „ქეთო და კოტე“.

გასაბჭოების შემდეგ, 1922 წლის 6 მაისს მონაწილეობდა ვ. დოლიძის „ლეილას“ პრემიერაში. მას ლექსი მიუძღვნა ცნობილმა პოეტმა ვ. გაფრინდაშვილმა.

ზურაბ ლეჟავა

ლიტერატურა

• დ. მჭედლიძე, „ქართველ მომღერალთა სამი თაობა“, თბ., 1968;
• რ. ქუთათელაძე, მ. ჯაფარიძე, „ქართული მუსიკის ენციკლოპედიური ლექსიკონი“, კულტურის სამინისტრო, თბ., 2015.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი

იხილე აგრეთვე

ოლღა კალანდაძე-აღასოვი