უჯრედის ბირთვი
NPLG Wiki Dictionaries გვერდიდან
(გადმომისამართდა ბირთვი (უჯრედის)-დან)
უჯრედის ბირთვი – (nucleus ბირთვი), უჯრედის ერთ-ერთი ძირითადი შემადგენელი ნაწილი. იგი შედგება ქრომატინის შემცველი გარსისაგან, ასევე, ბირთვაკებისა და ბირთვული წვენისაგან. ბირთვის გარსში ფორებია. უჯრედის ბირთვი გენეტიკურ და მეტაბოლურ ფუნქციებს ასრულებს.
ირთვის გარსი შედგება პარალელურად განლაგებული ორი მემბრანისაგან. მათ შორის ვიწრო სივრცეა, რომელსაც პერინუკლეარული ცისტერნა ეწოდება. გარსში მრავალი ფორაა, რომელთა კიდეებზე შიდა და გარე მემბრანები ერთმანეთში გადადიან. ყოველი ფორა დახურულია თხელი ძგიდით, რომელიც გავლენას ახდენს ბირთვიდან ციტოპლაზმში და უკან ნივთიერებათა გადასვლაზე.
