ესსე
NPLG Wiki Dictionaries გვერდიდან
(გადმომისამართდა ესე-დან)
ესეი, ესსე, ესე − (ფრანგ. - essai, ინგლ.–essay), კრიტიკისა და პუბლიცისტიკის ჟანრი. ნებისმიერ ასპექტში განხილვა (გაშუქება, გააზრება) რომელიმე ლიტერატურული, ფილოსოფიური, ესთეტიკური, მორალური ან სოციალური პრობლემისა. იგი ხასიათდება სუბიექტური შთაბეჭდილებებისა და ზოგადი განხილვის სიჭარბით, რითაც მკვეთრად განსხვავდება საკითხის სისტემატურ-მეცნიერული ანალიზისაგან. ესეის ფუძემდებლად ითვლება მ. მონტენი. მე-18 საუკუნიდან ესეის ჟანრი დამკვიდრდა ინგლისსა და საფრანგეთში, ხოლო განსაკუთრებული გავრცელება მან პოვა მეოცე საუკუნის საზღვარგარეთულ კრიტიკაში.
საქართველოში ესეისტური ნარკვევების ავტორებია კრიტიკოსი გ. ქიქოძე და მწერალი აკადემიკოსი კ. გამსახურდია.
