მიმინოშვილი რომან

რომან მიმინოშვილი

რომან მიმინოშვილი – (დ. 3 მაისი, 1928, აბაშის რაიონის სოფელი სუჯუნა — გ. 3 მარტი, 1998). — ფილოლოგიის მეცნიერებათა დოქტორი. მრავალი სამეცნიერო ნაშრომის, მონოგრაფიების ავტორი.

განათლება – თბილისის სახელმწიფო უნივერსიტეტის ფილოლოგიის ფაკულტეტი (1952), ასპირანტურა (1955).

სამუშაო გამოცდილება

• ეწეოდა სამეცნიერო-ლიტერატურულ საქმიანობას.
• საქართველოს რესპუბლიკის სახელმწიფო საბჭოს წევრი (1992).
• მე-3 მოწვევის საქართველოს რესპუბლიკის პარლამენტის წევრი (1992-95): საკომპენსაციო სიით, კომისიის თავმჯდომარე.
• მე-5 მოწვევის პარლამენტის წევრი (1995-98): საქართველოს მოქალაქეთა კავშირის პარტიული სიით, განათლების, მეცნიერებისა და კულტურის კომიტეტის თავმჯდომარე.

ლიტერატურული მოღვაწეობა

პირველი ლექსი რომან მიმინოშვილმა 1945 წელს გამოაქვეყნა, პირველი წიგნი — „ელადის მუზა“ (ანტიკური ბერძნული პოეზიის ანთოლოგია) — 1963 წელს. მასვე ეკუთვნის ნაშრომები „იოანე დამასკელის გარდამოცემის ქართული თარგმანები“ (1966), „მოძმე ლიტერატურათა მეგობრობა“ (1972), „გვიამბობს მოხუცი ჰომეროსი“ (1978). ქართულად თარგმნა ვერგილიუსის „ენეიდა” (1976) და ჰომეროსის „ილიადა” (1979).

ძველბერძნული ეპიგრამები

დიონიდიოს სოფისტი

თარგმნა რომან მიმინოშვილმა

ვარდების გამყიდველი გოგო

ვარდებიანო გოგოვ,

თვითონ ვარდო! რას ჰყიდი?

ვარდს თუ საკუთარ თავს?

თუ ერთსაც და მეორესაც?

სატრფოს

მსურს ვიყო სიო,

ზღვის ნაპირზე რომ ისეირნებ,

მაგ შიშველ მკერდზე გაგრძნობინო

ჩუმი ალერსი.

მსურს ვიყო ვარდი,

რომ მომწყვიტო და შენი ხელით

ძოწეულის ფერს ბინა მომცე

ქათქათა მკერდზე.

წყარო

საქართველოს პარლამენტის წევრები 1990-2015