იხილეთ წყარო გვერდისთვის თაგორი რაბინდრანათ

[[ფაილი:Tabori.JPG|thumb|რაბინდრანათ თაგორი]]
'''რაბინდრანათ თაგორი ''' – (ბენგ. রবীন্দ্রনাথ ঠাকুর, უფრო ზუსტია – თჰაკური როვინდრონათჰ, 1861-1941), ინდოელი პოეტი, მწერალი, დრამატურგი, კომპოზიტორი, მხატვარი, განმანათლებელი. წერდა ბენგალურ და ინგლისურ ენაზე. 

ლიტერატურული მოღვაწეობა დაიწყო 1876 წელს. მისი დრამატურგიული შემოქმედება (70-ზე მეტი [[პიესა (დრამატული ნაწარმოები)|პიესა]]) გამოირჩევა ჟანრული მრავალფეროვნებით. პირველსავე დრამატურგიულ ნამუშევრებში ([[მუსიკალური დრამა|მუსიკალური დრამები]]) დიდი ადგილი დაუთმო მუსიკალურ ნაწილს, რაც გამოწვეული იყო არა მარტო [[ინდური თეატრი|ინდური თეატრის]] ტრადიციებით, არამედ მისი შეხედულებითაც, რომ [[მუსიკა]] სიტყვაზე უკეთ გადმოსცემს ადამიანის სულიერ მდგომარეობას. დაწერა პიესები „ვალმიკის გენიოსი“, „ბუნების შურისძიება“, „ჩიტრანგოდა“, „მალინი“. 

როგორც დრამატურგს აღიარება მოუტანა რომანტიკულ- ისტორიულმა [[ტრაგედია|ტრაგედიებმა]] „რაჯა და რანი“ (1889) და „მსხვერპლშეწირვა“ (1890). ამ პიესებში გამოვლინდა [[რომანტიზმი]]ს ეპოქის ევროპული დრამატურგიის გავლენა, მაგრამ თვით თემატიკა ღრმად ნაციონალურია. 90-იან 900-იან წლებში იგი ქმნის სოციალურ მომენტებზე გამახვილებულ რეალისტურ [[კომედია|კომედიებს]], რომელთაგან ყველაზე მნიშვნელოვანია „უცოლოთა კლუბი“. 

XX ს. 10-იანი წლებიდან, მის დრამატურგიაში წამყვანი ადგილი დაიკავა სიმბოლურ-ალეგორიულმა რომანტიკულმა დრამებმა. ეს დრამები უფრო მეტად დაკავშირებულია ტრადიციულ ინდურ მისტერიალურ წარმოდგენებთან, შედარებით ნაკლებად ევროპულ სიმბოლიზმთან. დრამები „ფოსტა“ და „რაჯა“ ცნობილი გახდა [[ევროპა]]შიც. პიესები „კონსერვატიზმის სიმაგრე“, „განთავისუფლებული დინება“, „წითელი ოლეანდრები“ დღესაც ინდური თეატრის [[რეპერტუარი|რეპერტუარშია]]. მის რომანტიკულ სიმბოლურ-ალეგორიულ დრამებს შორის განსაკუთრებული ადგილი უკავია პიესებს, რომლებიც გაერთიანებულია ციკლში „წელიწადის დრონი“ (1908-34). მათში ფართოდ არის გამოყენებული სასიმღერო და საცეკვაო სცენები, რაც დაკავშირებლია ხალხურ თეატრ „[[ჯატრა]]ს“ ტრადიციებთან. ეს დრამები დაიწერა მოსწავლე ახალგაზრდობისათვის სკოლებში და უმაღლეს სასწავლებლებში, მათი წარმოდგენა ხდებოდა დეკორაციების გარეშე, ღია ცის ქვეშ და ეძღვნებოდა წელიწადის ამა თუ იმ დროს. უმრავლესობა მათგანი უსიუჟეტოა, ზოგიერთები კი – „შემოდგომის ზეიმი“, „გაზაფხულის დღესასწაული“ აგებულია მარტივ სიუჟეტზე. მან შექმნა, აგრეთვე, მუსიკალურ-საცეკვაო დრამები, რომელთაგან მნიშვნელოვანია „მოცეკვავე ქალის თაყვანისცემა“, „ჩიტრანგადა“, „შემა“.


==წყარო==
[[მსოფლიო თეატრის ენციკლოპედიური ლექსიკონი]]
[[კატეგორია:დრამატურგები]]
[[კატეგორია:ინდოელი დრამატურგები]]
[[კატეგორია:ინდოელი პოეტები]]
[[კატეგორია:ინდოელი მწერლები]]
[[კატეგორია:ინდოელი კომპოზიტორები]]