იხილეთ წყარო გვერდისთვის რომი მიხაილ

'''მიხაილ რომი''' – (დ. 1901 წლის 11 იანვარს ირკუტსკში – გ. 1971 წლის 1 ნოემბერს მოსკოვში, [[რუსეთი]]), სსრკ – საბჭოთა [[კინორეჟისორი]], სცენარისტი, პედაგოგი, პუბლიცისტი. საბჭოთა კავშირის სახალხო არტისტი (1950 წელი).

1917 წელს დაამთავრა გიმნაზია და სწავლა გააგრძელა მოსკოვის ფერწერის, ქანდაკებისა და ხუროთმოძღვრების სასწავლებელში.

1922-1923 წლებში ესწრებოდა ლევ კულეშოვის (რუსი საბჭოთა კინორეჟისორი და პედაგოგი) სასწავლო სახელოსნოს მეცადინეობებს სახელმწიფო კინოსკოლაში. მუშაობდა გაზეთში, წერდა კინოსცენარებს, თარგმნიდა ფრანგი მწერლების ნაწარმოებებს.

1931 წლიდან მუშაობა დაიწყო მხატვრული და [[დოკუმენტური ფილმი|დოკუმენტური ფილმების]] რეჟისორად მოსკოვის გაერთიანებულ კინოფაბრიკა „სოიუზკინოში” (მოგვიანებით „მოსფილმი”). სულ გადაღებული აქვს ოცამდე სურათი.

მიხაილ რომი წლების განმავლობაში ხელმძღვანელობდა კინოსტუდია „მოსფილმის” მე-3 შემოქმედებით გაერთიანებას.

1938 წლიდან სიცოცხლის ბოლომდე მუშაობდა პედაგოგად (1962 წლიდან პროფესორის სტატუსით), ხელმძღვანელობდა ВГИК-ის სამსახიობო-სარეჟისორო სახელოსნოს. მის ცნობილ მოწაფეებს შორის იყვნენ: თენგიზ აბულაძე, გრიგორი ჩუხრაი, ვასილი შუკშინი, ალექსანდრ მიტა, ანდრეი ტარკოვსკი, [[ანდრეი კონჩალოვსკი|ანდრეი (ანდრონ) კონჩალოვსკი]], ნიკიტა მიხალკოვი.

==== ფილმოგრაფია და ჯილდოები: ====
* 1934 – „ფუნჩულა” (ვენეციის სკფ, პრიზი ფილმების საუკეთესო პროგრამისთვის) 
* 1936 – „ცამეტი” 
* 1939 – „ლენინი 1918 წელს” 
* 1941 – „ოცნება” 
* 1945 – „ადამიანი N 217” (კანის სკფ, ფილმის ავტორთა ასოციაციის დიდი საერთაშორისო პრემია საუკეთესო რეჟისურისთვის) 
* 1950 – „საიდუმლო მისია” 
* 1953 – „ადმირალი უშაკოვი” (ვიშის სკფ, საპატიო დიპლომი ფილმს) 
* 1956 – „მკვლელობა დანტეს ქუჩაზე” 
* 1961 – „ერთი წლის ცხრა დღე” (კარლოვი-ვარის სკფ, მთავარი პრიზი „ბროლის გლობუსი” საუკეთესო ფილმს; სან-ფრანცისკოს სკფ, საპატიო დიპლომი ფილმს; მელბურნის სკფ, საპატიო დიპლომი ფილმს) 
* 1965 – „ჩვეულებრივი ფაშიზმი” (დოკუმენტური) – (დოკუმენტური და ანიმაციური კინოს ლეიფციგის სკფ, სპეციალური უმაღლესი პრიზი და კინოკრიტიკოსების პრიზი ფილმისთვის) 
* 1971 – „და მაინც მჯერა...” (დოკუმენტური)<br /> 
და სხვ.


=წყარო==
[[საუბრები კინორეჟისურაზე (ქრესტომათია) წიგნი VII]]
[[კატეგორია:რუსი კინორეჟისორები]]
[[კატეგორია:რუსი სცენარისტი]]
[[კატეგორია:რუსი პუბლიცისტები]]