იხილეთ წყარო გვერდისთვის კომ-ელ ჰისნი

'''კომ-ელ ჰისნი''' – (არაბულად „ფორტის ბორცვი“), თანამედროვე დასახლება დელტის დასავლეთ საზღვარზე, კაიროსა და [[ალექსანდრია (ქალაქი ეგვიპტეში)|ალექსანდრია]]ს შორის, ძველი ნავკრატისის სამხრეთით, სადაც აღმოჩენილია [[რამსეს II]]-ის მიერ სახმეტ-ხატხორისადმი მიძღვნილი ტაძრის ნანგრევები. მათ წარწერებზე დაყრდნობით, სავარაუდოდ, აქ მდებარეობდა III ქვემოეგვიპტური [[ნომი]]ს უძველესი დედაქალაქი [[იამუ]]. ქალაქის საკულტო სახელი იყო „იამუს ხეების ქალბატონის სახლი“, რაც მიუთითებს, რომ აქ უძველეს დროში იამუს ხეების საკრალური ჭალა იყო და იამუს ქალღმერთს ეთაყვანებოდნენ, რომელიც თავზე სამი იამუს ხით გამოისახებოდა. ის ძალიან ადრე შეერწყა ხატხორს, რადგან მოხსენიებულია მხოლოდ [[კარნაკი]]ს ქალღმერთების სიაში, ხატხორი კი „იამუს ქალბატონი“ გახდა. ქალაქი არსებობდა XXVI დინასტიაშიც, რადგან ამ დროის ტექსტში მისი ტაძარია მოხსენიებული.


==წყარო==
[[ძველი ეგვიპტის ენციკლოპედია]]
[[კატეგორია:ძველი ეგვიპტე]]
[[კატეგორია:ქალაქები ძველ ეგვიპტეში]]