იხილეთ წყარო გვერდისთვის ალმასი (ტაჯიკეთი)

'''ალმასი (ალმოსი)''' –  (ინგლ. Almasi, Almosi; რუს. Алмаси, Алмоси), ბალნეო-კლიმატური საკურორტო ადგილი [[ტაჯიკეთი|ტაჯიკეთში]], ჰისარის რაიონში, ქ. დუშანბედან 37 კმ-ში, დასავლეთით და დაბა ჰისარიდან 17 კმ-ში, ჩრდილო-დასავლეთით. მდებარეობს ჰისარის ველზე, [[მდინარე]] ხანაკის (მდინარე ამუდარიის აუზი) ხეობაში, ზღვის დონიდან 950 მ-ის სიმაღლეზე. რელიეფი – ბორცვიან-მთაგორიანი. 

'''ჰავა''' – ზომიერად კონტინენტური, დაბალი მთის. ზამთარი ზომიერად ცივია, თოვლის საფარი არამდგრადია. იანვრის საშუალო ტემპერატურაა -4°C. ზაფხული ხანგრძლივია და ცხელი. ივლისის საშუალო ტემპერატურაა 28°C. საშუალო წლიური ფარდობითი ტენიანობა შეადგენს 50%-ს, ხოლო ნალექების წლიური რაოდენობა – 570 მმ-ს. ნალექების მაქსიმუმი მოდის გაზაფხულზე (280 მმ), ხოლო მინიმუმი – ზაფხულზე (10 მმ).  

ალმასის ტერიტორია დაფარულია: კაკლის ხეებით, ხეხილის ბაღებითა (ვაშლი, [[გარგარი]], ალუჩა და სხვ.) და ვენახებით. ალმასის მიდამოების ტერიტორიაზე გავრცელებულია ხეები (კაკალი, [[იფანი]], ვაშლი, ალუჩა, [[ნეკერჩხალი]]) და ბუჩქები ([[ჯიქა]], [[ასკილი]], ყვავტყემალი, [[ჭანჭყატა]], კუნელი და სხვ.) ღვიიანის მინარევით.

'''ალმასის ბუნებრივი სამკურნალო ფაქტორებია:''' თერმული (t-39-54°C), საშუალო მინერალიზაციის (M – 11-15 გ/დმ<sup>3</sup>) ქლორიდულ-სულფატურ-ნატრიუმიანი მინერალური წყლები და ცივი (t – 14-15°C), დაბალი მინერალიზაციის (M – 9-10 გ/დმ<sup>3</sup>) ქლორიდულ-სულფიდურ-ნატრიუმიანი მინერალური წყლები; დაბალი მთის ჰავა და აეროიონებით გაჯერებული მთის ჰაერი. 

'''ალმასის ბუნებრივი სამკურნალო ფაქტორების გამოყენების მეთოდებია:''' მინერალური წყლის პერორალური მიღება (დალევა) და აბაზანები; შესხურებები და გამორეცხვები მინერალური წყლით; ჰაერისა და მზის აბაზანები; პასიური კლიმატოთერაპია. 

'''ჩვენებები ალმასში წასასვლელად:''' კუჭ-ნაწლავის, ღვიძლის, ნაღველგამომყოფი გზებისა და პანკრეასის დაავადებები; საყრდენ-სამოძრაო აპარატის, პერიფერიული ნერვული და გულ-სისხლძარღვთა სისტემების, კანისა და შარდსასქესო ორგანოების პათოლოგიები; ნივთიერებათა ცვლისა და ცენტრალური ნერვული სისტემის ფუნქციური დარღვევები.

===== ტურისტული ობიექტები: ===== 
საკურორტო ადგილ ალმასსა და მის მიდამოებში (მდინარე ხანაკის ხეობა და სხვ.), დაბა ჰისარის მიდამოებში (ჰისარის
ისტორიულ-კულტურული ნაკრძალი – ჰისარის ციხესიმაგრე თავისი მოედნით (რეგისტანით) (ძვ.წ. VI-V საუკუნეები) და [[თაღი]]თ (ჭიშკრით) (XVI საუკუნე); [[მეჩეთი|მეჩეთები]] – „ჩიშმონ მოხიონი“ და „სანგინი“ (XII-XVI საუკუნეები); [[მავზოლეუმი]]
„მოხდუმ აზამი“ (XVI-XVIII საუკუნეები); ძველი [[მედრესე]] (XVII საუკუნე); ახალი მედრესე (XVIII-XIX საუკუნეები); ისტორიის მუზეუმი და სხვ.), ქ. დუშანბეში (მავლიან იაკუბ ჩერხის სატაძრო მეჩეთი (1856 წელი); XX საუკუნეში აშენებული მეჩეთები – „იაკა ჩინორი“ და „ამიჯონი“, ისლამური ცენტრი და იმამ აბუ ხანიფის ისლამური უნივერსიტეტი; მირონ-ლუკიის მთავარეპისკოპოსისა და საკვირველთმოქმედისა წმიდა ნიკოლოზის სახელობის მართლმადიდებლური ეკლესია (XX საუკუნე); ბუხარის წმიდა იოზეფის სახელობის რომაულ-კათოლიკური, პოლონური ეკლესია (XX საუკუნის I ნახევარი); ბუხარის ებრაელთა [[სინაგოგა]] (XX საუკუნის 50-იანი წლები) და სხვ.; მუზეუმები – კ. ბეჰზადის ნაციონალური, ტაჯიკეთის სიძველეთა ნაციონალური, არქეოლოგიის, ტაჯიკეთის ეთნოგრაფიის, გეოლოგიური, ს. აინის სახელობის ლიტერატურული, გ. ზავ-კიბეკოვის მუსიკალური ინსტრუმენტებისა და ა. რუდაკის სახელობის რესპუბლიკური ისტორიულ-მხარეთმცოდნეობის; დუშანბეს სამხატვრო გალერეა; ტაჯიკეთის მწერალთა
კავშირის საგამოფენო დარბაზი; ჰ. ფირდოუსის სახელობის რესპუბლიკური ბიბლიოთეკა; ს. აინის სახელობის ოპერისა და ბალეტის აკადემიური თეატრი; პრეზიდენტის სასახლე; კულტურის ცენტრი „ბაქტრია“; ისმაილ სომონის მემორიალი; ს. აინის მავზოლეუმი; ცირკი; ზოოპარკი; აკვაპარკი „დელფინი“ და სხვ.) და დუშანბეს მიდამოებში (ტაჯიკეთის მეცნიერებათა აკადემიის ბოტანიკური ბაღი, მდინარე ქონდარის ხეობაში (ქ. დუშანბედან 31 კმ-ში); რამიტის ნაკრძალი (ქ. დუშანბედან 70 კმ-ში ჩრდილო-აღმოსავლეთით); მდინარე ვარზობის ხეობა ჩანჩქერი „გუსგარფით“ და სხვ.). 

== წყარო==
[[მსოფლიო კურორტები და საკურორტო ადგილები: მცირე ენციკლოპედია]]

[[კატეგორია: კურორტები]]
[[კატეგორია:კურორტები ტაჯიკეთში]]
[[კატეგორია:ბალნეოლოგიური კურორტები]]
[[კატეგორია:კლიმატური კურორტები]]