იხილეთ წყარო გვერდისთვის ანანი კოფი

[[ფაილი:KOFI ANANI.JPG|thumb|150პქ|კოფი ანანი]]
'''კოფი ანანი''' – (ინგლ. Kofi Atta Annan; დ. 8 აპრილი, 1938, კუმასი, ოქროს ნაპირი − გ. 18 აგვისტო, 2018, ბერნი, [[შვეიცარია]]), თვალსაჩინო განელი პოლიტიკური მოღვაწე, დიპლომატი, [[გაერთიანებული ერების ორგანიზაცია|გაერთიანებული ერების ორგანიზაციის]] გენერალური მდივანი. არჩეულია 1996 წლის 17-XII გენერალური ასამბლეის მიერ. 

დაამთავრა კუმასის მეცნიერებისა და ტექნოლოგიის უნივერსიტეტი. 1961 მინესოტაში, წმ. პავლეს მაკალისტერის კოლეჯში დაიცვა დისერტაცია [[ეკონომიკა|ეკონომიკის]] დარგში. 1972 მიენიჭა მეცნიერებათა დოქტორის ხარისხი მენეჯმენტში. გენერალურ მდივნად დანიშვნამდე კოფი ანანს [[გაერო]]ში შემდეგი თანამდებობები ეკავა:<br />
1962 – ჯანდაცვის მსოფლიო ორგანიზაციის (WHO) ადმინისტრაციული და საბიუჯეტო განყოფილების ხელმძღვანელი; <br />
1980-83 – გაეროს უმაღლესი კომისრის სამმართველოს ადმინისტრაციული დირექტორის მოადგილე ლტოლვილების საკითხთან დაკავშირებით (UNHCR); <br />
1984-87– საფინანსო მომსახურების ოფისის ბიუჯეტის განყოფილების დირექტორი; <br />
1987-90 – გენერალური მდივნის ასისტენტი გაეროს სისტემის უსაფრთხო კოორდინირებისა და ადამიანური რესურსების ოფისის მენეჯმენტში; <br />
1990-92 – გენერალური მდივნის მოადგილე და პროგრამათა დაგეგმვის, ფინანსებისა და ბიუჯეტის მაკონტროლებელი; <br />
1993 წლის მარტიდან 1996 წლის მარტამდე – გენერალური მდივნის თანაშემწე სამშვიდობო ოპერაციების განხორციელების საკითხში, როდესაც იგი გაეროს გენერალური მდივნის სპეციალური წარმომადგენელი იყო ყოფილ იუგოსლავიაში. 

კოფი ანანის ხანგრძლივი დიპლომატიური მოღვაწეობიდან გაეროში აღსანიშნავია მოლაპარაკებათა წარმოება [[ერაყი]]ს მიერ [[ქუვეითი]]ს დაპყრობასთან დაკავშირებით (1990), ერაყში მყოფი [[საერთაშორისო ორგანიზაციები]]ს წარმომადგენლებისა და ევროპელი მძევლების განთავისუფლების თაობაზე; დისკუსიის წარმართვა ერაყში ჰუმანიტარული კრიზისის შემსუბუქებისათვის ფორმულით – „ნავთობი – საკვებისათვის“. საერთაშორისო საზოგადოებისათვის გაწეული სასარგებლო საქმიანობისათვის მაკალისტერის კოლეჯმა, რომლის მეურვეთა საბჭოს წევრი იყო, მას მიანიჭა ჯილდო მეურვის განსაკუთრებული ღვაწლისათვის. კოფი ანანი 2001 წლის 29 ივნისს გენერალურმა ასამბლეამ გაეროს გენერალური მდივნის თანამდებობაზე მეორე ვადით აირჩია. 


==წყარო==
[[ქართული დიპლომატიური ლექსიკონი]]
[[კატეგორია:განელი პოლიტიკური მოღვაწეები]]
[[კატეგორია:განელი დიპლომატები]]
[[კატეგორია:გაეროს გენერალური მდივნები]]