იხილეთ წყარო გვერდისთვის ანესი-ლე-ვიე

[[ფაილი:Anesi le vie.PNG|thumb|260px|კურორტი ანესი-ლე-ვიე]]
'''ანესი-ლე-ვიე'''  – (Annecy-Le-Vieux, Аннеси-Ле-Вье), კლიმატური სამთო-სათხილამურო კურორტი აღმოსავლეთ საფრანგეთში, რონა-ალპების რეგიონში, ზემო სავოიის დეპარტამენტში, ქ. ანსიდან (ქ. ანესიდან) 2,4, ხოლო ქ. ლიონიდან 104 კმ-ში, ჩრდილო-აღმოსავლეთით, ქ. ჟენევიდან 57 კმ-ში, სამხრეთ-აღმოსავლეთით და ქ. ლოზანიდან 101 კმ-ში, სამხრეთ-დასავლეთით. მდებარეობს
[[ალპები|ალპებში]], ზღვის დონიდან 785 მ-ის სიმაღლეზე. [[რელიეფი (გეოგრაფია)|რელიეფი]] – მთაგორიანი.

'''ჰავა''' – ზომიერად კონტინენტური – დაბალი მთის, ზამთარი ზომიერად ცივია. თოვლის საფარი მდგრადია. იანვრის საშუალო ტემპერატურაა -0,4°C. ზაფხული გრილია. ივლისის საშუალო ტემპერატურაა 19,2°C. საშუალო წლიური ტემპერატურაა 9,8°C, ხოლო ნალექების წლიური რაოდენობა – 944 მმ. ნალექების მაქსიმუმი მოდის შემოდგომაზე (254 მმ), ხოლო მინიმუმი – ზამთარზე (225 მმ). ყველაზე ნალექიანი თვეა ნოემბერი (97 მმ), ყველაზე მშრალი – აპრილი (70 მმ).

ანესი-ლე-ვიეს ტერიტორიაზე გავრცელებულია: ხეხილის ბაღები (ვაშლი, [[მსხალი]] და სხვ.) და ვენახები, [[ფიჭვი]]სა და [[მუხა|მუხის]] ნარგავები. კურორტის მიდამოებში გავრცელებულია: მწვანე მდელოები, მუხნარისა და წიფლნარის მასივები. გვხვდება აგრეთვე ფიჭვისა და [[ნაძვი]]ს ნარგავები.

'''ანესი-ლე-ვიეს ბუნებრივი სამკურნალო ფაქტორებია''' დაბალი მთის ჰავა და ფიტონციდებით გაჯერებული მთის ჰაერი.

'''ანესი-ლე-ვიეს ბუნებივი სამკურნალო ფაქტორების გამოყენების მეთოდებია:''' ჰაერისა და მზის აბაზანები წელიწადის თბილ პერიოდში; პასიური კლიმატოთერაპია მთელი წლის განმავლობაში.

'''ჩვენებები ანესი-ლე-ვიეში წასასვლელად:''' დასვენება; ზამთარში – თხილამურებითა და სნოუბორდებით სრიალი, ციგაობა და ციგურაობა, სკაი-სკორინგი და სხვ.; გულ-სისხლძარღვთა სისტემისა და ფილტვების ქრონიკული არასპეციფიკური დაავადებები; ნივთიერებათა ცვლისა და ცენტრალური ნერვული სისტემის ფუნქციური დარღვევები. 

===== ტურისტული ობიექტები: ===== 
ანესი-ლე-ვიესთვის უახლოესი მნიშვნელოვანი ტურისტული ობიექტები მდებარეობს ქ. ანსიში, ქ. ლიონში, ქ. ჟენევასა და ქ. ლოზანაში.

== წყარო==
[[მსოფლიო კურორტები და საკურორტო ადგილები: მცირე ენციკლოპედია]]
[[კატეგორია:კურორტები]]
[[კატეგორია:კურორტები საფრანგეთში]]
[[კატეგორია:კლიმატური კურორტები]]
[[კატეგორია:სამთო-სათხილამურო კურორტები]]