იხილეთ წყარო გვერდისთვის გეგეჭკორი გივი

[[ფაილი:Givi gegechkori.PNG|thumb|გივი გეგეჭკორი]]
'''გეგეჭკორი გივი''' – (1933 – 2002), [[ქართველები|ქართველი]] პოეტი და მთარგმნელი.  დაიბადა [[თბილისი|თბილისში]]. 1956 წელს დაამთავრა [[თსუ]]-ს ჟურნალისტიკის ფაკულტეტი. პირველი ლექსები გამოაქვეყნა 1952 წელს ალმანახ „პირველ
სხივში“, ლექსთა პირველი წიგნი „მზიანი დღე“ – 1963 წელს. გეგეჭკორს ეკუთვნის პოეტური კრებულები:„ახალი აბზაცი“ (1968), „ჩემი დღესასწაულები“ (1971), „ჩიტების გამოღვიძება“ (1973), „მეორე მდინარე“ (1974) და სხვა. ფრანგი პოეტების თხზულებათა თარგმანები (კრებული „ფრანგული პოეზია“, 1968; [[გიიომ აპოლინერი]]ს „ლექსები“, 1972; ფრანგული პოეზიის ანთოლოგია,
1990), წერილები ლიტერატურისა და ხელოვნების საკითხებზე.


:::: '''პოლ ვერლენი'''
::: '''ჩემს სულს აწვიმს'''
:::: ''თარგმნა გივი გეგეჭკორმა''

::რა უსიტყვო ნაღველს მალავს
::სული, ჩემი მეუფე,
::სულსაც აწვიმს, როგორც ქალაქს,
::ანდა მის გარეუბნებს.
::აწვიმს მიწას და სახურავს
::და შრიალით ავივსე,
::სევდა სულში ჩასახული
::უკრავს წვიმის კლავიშზე.
::ცხოვრობს სულით ეს ობლობა
::ჩუმი წვიმის მეზობლად
::სულში ჩაჯდა ვით ობობა,
::სევდის უმიზეზობა.
::და მით უფრო არის მძაფრი
::უმიზეზო ნაღველი
::არსაიდან რომ არაფრით
::არის ნაკარნახევი.

==წყარო==
[[ქართველი პოეტები (ენციკლოპედია)]]
[[კატეგორია:ქართველი პოეტები]]
[[კატეგორია:ქართველი მთარგმნელები]]
[[კატეგორია:გეგეჭკორები]]