იხილეთ წყარო გვერდისთვის ზღვის დიდი თოლია

[[ფაილი:ZRvis didi tolia.PNG|thumb|250px|ზღვის დიდი თოლია]]
'''ზღვის დიდი თოლია''' (''ლათ''. Larus marinus Linnaeus, 1758) − ფრინველი [[თოლიასნაირნი|თოლიასნაირთა]] რიგიდან.
* კლასი − ფრინველები (AVES)
* რიგი − [[თოლიასნაირნი]] (Lariformes)
* ოჯახი − [[თოლიასებრნი]] (Laridae)
* გვარი − [[თოლია]] (Larus)
ზღვის დიდი თოლია დიდი ზომისაა, ფრთა 420-550 მმ-ია, [[ნისკარტი (ფრინველის)|ნისკარტი]] — 55-75 მმ, წონა — 1500-2250 გ. მამალი რამდენადმე დიდია დედალზე. შეფერილობაში სქესთა შორის განსხვავება არაა, მაგრამ დამახასიათებელია ასაკობრივი პოლიმორფიზმი. ზრდასრულ ფრინველს ზაფხულში თავი და კისერი ზემოდან, კუდის ზემო მფარავები, საჭის ბუმბულები და სხეულის მთელი ქვემო მხარე [[თეთრი (ფერი)|თეთრი]] აქვს. ზურგისა და მხრების ბუმბულები, აგრეთვე ფრთების ზემო მფარავები თითქმის შავია. ასევე შავია პირველი რიგის მომქნევებიც, მაგრამ წვეროში აქვთ თეთრი ლაქები; მუქი ფერის მეორე რიგის მომქნევებს წვეროები თეთრი აქვთ. ნისკარტი [[ყვითელი (ფერი)|ყვითელი]]ა, მაგრამ ქვედა ყბაზე წითელი ლაქაა ფეხები ხორცისფერია. ზამთარში თავსა და კისერზე არის გასწვრივი მორუხო ლაქები. ახალგაზრდა ფრინველებს თავი და კისერი ზემოდან მოთეთრო აქვთ, მუქი გასწვრივი შტრიხებით; ზურგის მხარე მოწაბლისფრო-[[რუხი (ფერი)|რუხი]]ა, ფართო მოთეთრო და ჟანგმიწისფერი არშიებით და წინწკლებით. სხეულის ქვემო მხარე თეთრია, მურა ფერის წინწკლებით; საჭის ბუმბულები თეთრია — მოშავო ლაქებითა და შავი წვეროებით. ნისკარტი მოშავოა, მოთეთრო წვეროთი; ფეხები მკრთალი ხორცისფერია.

====გავრცელება==== 
ბუდობის არეალი მოიცავს დასავლეთი [[ევროპა|ევროპისა]] და ჩრდილოეთი [[ამერიკა|ამერიკის]] [[ატლანტის ოკეანე|ატლანტის ოკეანის]] სანაპიროებს, აგრეთვე ხმელთაშუა ზღვის სანაპირო ქვეყნებს. გამრავლების შემდეგ ინაცვლებს უფრო [[სამხრეთი]]თ და ზამთარში აღწევს შავ და კასპიის ზღვებამდე. [[საქართველო]]ში მცირე რაოდენობით გვხვდება შავ ზღვაზე, როგორც მოზამთრე ფრინველი.

====ბიოტოპი==== 
გამრავლების პერიოდში ეტანება ზღვების, ზოგჯერ ტბების კლდოვან ნაპირებს. სხვა დროს მოიპოვება საერთოდ ზღვების სანაპირო ზოლში, იშვიათად ზღვებიდან დაშორებულ მტკნარ წყალსატევებზეც.

====გამრავლება==== 
ბუდობს კოლონიებად. ბუდეს იკეთებს ხმელი ბალახისაგან კლდოვან ქარაფებზე, ზოგჯერ ტბების მახლობელ მაღლობებზეც. ბუდე ჩვეულებრივად ამოფენილია ბუმბულით, ხოლო კიდეებზე კენჭები და ნიჟარები აქვს შემოწყობილი. მაისის ბოლოს დებს 3 კვერცხს. კრუხად მორიგეობით ჯდება ორივე მშობელი. საინკუბაციო პერიოდი 29-30 დღემდე გრძელდება. ახალგაზრდა ფრინველები ფრენის უნარს იძენენ 45 დღის ასაკში.

====კვება====
პოლიფაგი ფრინველია, მაგრამ მთავარი საკვები მაინც თევზია. ჭამს ფრინველების კვერცხებს, ბარტყებს, ზოგჯერ მოზრდილ ფრინველებსაც, ლემინგებს, მძორს და ნაირგვარ ნარჩენებს, აგრეთვე [[კიბოსნაირნი|კიბოსნაირებს]], ზღვის ზღარბებს, იშვიათად [[მწერები|მწერებს]], ხშირად კენკრასაც.

====მნიშვნელობა==== 
დიდი პრაქტიკული მნიშვნელობა არა აქვს.

==წყარო==
*[[საქართველოს ფრინველების სარკვევი]]
[[კატეგორია:ფრინველები]]
[[კატეგორია:თოლიასნაირნი]]
[[კატეგორია:თოლიასებრნი]]
[[კატეგორია:თოლია]]