იხილეთ წყარო გვერდისთვის იმედი (ჟურნალი)

[[ფაილი:Imedi.png|thumb|140პქ|ჟურნალი „იმედი"]]
'''იმედი''' — ხალხოსნური მიმართულების ყოველთვიური პოლიტიკურ-ლიტერატურული ჟურნალი. გამოდიოდა 1881-83 წწ. [[თბილისი|თბილისში]]. რედაქტორ-გამომცემელი — [[მიხეილ გურგენიძე]]. თანამშრომლობდნენ: ს. ჭრელაშვილი, [[ფურცელაძე ანტონ|ა. ფურცელაძე]], [[მგალობლიშვილი სოფრომ|ს. მგალობლიშვილი]], [[ხიზანიშვილი ნიკოლოზ|ნ. ხიზანიშვილი]], [[ბაქრაძე დიმიტრი|დ. ბაქრაძე]], მ. ჯანაშვილი, დ. აბდუშელიშვილი, შ. გულისაშვილი… თუ წინა პერიოდის ჟურნალთა უმრავლესობა მთავარ ადგილს ეროვნული საკითხის გადაჭრას უთმობდა, „იმედმა“ სოციალური პრობლემა წამოწია წინა პლანზე და გლეხთა მდგომარეობის გაუმჯობესება უპირველეს ამოცანად დასახა. „იმედის“ ავტორთა დამსახურებაა ცხოვრების, კერძოდ, გლეხთა ცხოვრების შეუფერადებლად ასახვა. ოღონდ ეს ავტორები თავიანთ შეხედულებათა გამოსახატავად ყოველთვის ვერ პოულობენ შესაბამის გზებსა და ხერხებს. მხატვრული სახე ხშირად დამძიმებულია მსჯელობით, პუბლიცისტური ჩანართებით. ჭარბობს შეუნიღბავი ტენდენცია, რაც ნიშანდობლივია საბრძოლო ასპარეზზე გამოსული ახალი კლასის მესიტყვეთათვის. ხელოვნების როლისა და დანიშნულების შესახებ, ისევე როგორც სხვა პრობლემების შესახებ, „იმედი“ მძაფრი პოლემიკას აწარმოებდა „[[ივერია (გაზეთი და ჟურნალი)|ივერიასა]]“ და „[[დროება (გაზეთი)|დროებასთან]]“.







==წყარო==
* [[ქართული მწერლობა: ლექსიკონი-ცნობარი]].
 		 	
[[კატეგორია: ქართული პერიოდული გამოცემები‏‎]]
[[კატეგორია:ქართული ჟურნალები]]
[[კატეგორია: პოლიტიკურ-ლიტერატურული ჟურნალები]]