იხილეთ წყარო გვერდისთვის მცირე მეთოვლია

'''მცირე მეთოვლია''' (ლათ. Sterna albifrons Pallas, 1764) − ფრინველი [[თოლიასნაირნი|თოლიასნაირთა]] რიგიდან.
* კლასი − ფრინველები (AVES)
* რიგი − [[თოლიასნაირნი]] (Lariformes)
* ოჯახი − [[თოლიასებრნი]] (Laridae)
* გვარი − [[მეთოვლია]] (Sterna)
მცირე მეთოვლია ყველაზე პატარა ფრინველია თოლიასნაირთა შორის, ფრთა 165-190 მმ-ია, [[ნისკარტი (ფრინველის)|ნისკარტი]] – 27-32 მმ, წონა – 43-47 გ. სიდიდესა და შეფერილობაში სქესთა შორის განსხვავება არაა. ზაფხულში ზრდასრული ფრინველის შუბლი და სხეულის მუცლის მხარე მთლიანად თეთრია; თავი ზემოდან და კეფა – შავი. კისრის უკანა ნაწილი, ზურგი, მხრების, ფრთებისა და კუდის ზემო მფარავები და საჭის შუა ორი წყვილი ბუმბული ნათელი მოცისფრო-[[რუხი (ფერი)|რუხი]]ა. საჭის დანარჩენი ბუმბულები [[თეთრი (ფერი)|თეთრი]]ა. პირველი რიგის მეორე და მესამე მომქნევის გარეთა მარაოები, ღეპეპები და შიგნითა მარაოების ღეპეპების მოსაზღვრე ზოლები შავია. ნისკარტი [[ყვითელი (ფერი)|ყვითელი]]ა, შავი ბოლოთი, ხოლო ფეხები – ყვითელი. ზამთარში სითეთრე შუბლიდან თხემის წინა ნაწილზეც გადადის. ნისკარტი შავდება, კეფა და კისრის უკანა ნაწილი მკრთალი მურა ხდება, გასწვრივი თეთრი ლაქებით.

აღწერილია 10-მდე ქვესახეობა. [[საქართველო]]ში გვხვდება ჩვეულებრივი მცირე მეთოვლია – S. a. albifrons Pallas, 1764.

====გავრცელება==== 
სახეობის ბუდობის არეალი მეტად ვრცელი და ამასთან სპორადულია. იგი მოიცავს შუა და სამხრეთ [[ევროპა]]ს, [[აზია|აზიის]] ზომიერსა და სამხრეთ ნაწილებს, ინდო-ავსტრალიის [[არქიპელაგი|არქიპელაგს]], [[ავსტრალია]]ს, [[აფრიკა]]ს და ჩრდილო-ამერიკის სამხრეთ ნაწილს. ევროპიდან და აზიის ზომიერი სარტყლიდან გადამფრენია, ხოლო [[სამხრეთი|სამხრეთში]] – მობინადრე. საქართველოში ცნობილია როგორც მიმომფრენი ფრინველი.

====ბიოტოპი==== 
ბინადრობს მცენარეულობით ღარიბ, ზღვებისა და შიდა წყალსატევების გაშლილ, ქვიშიან-კენჭოვან, ხშირად ნიჟარებით მოფენილ სანაპიროებზე. ბუდობის ადგილების ამორჩევის დროს მნიშვნელობა აქვს აგრეთვე წყლის გამჭირვალობას და წვრილი თევზების საკმაო რაოდენობით არსებობას.

====გამრავლება==== 
ბუდობს როგორც ცალკეულ წყვილებად, ისე კოლონიებად, წყალსატევების მცირედ დაქანებულ ქვიშიან-კენჭოვან ნაპირებზე. ბუდე პატარა ორმოა, მცირე რაოდენობით ხმელი ბალახის ამონაფენით. მაისის ბოლოს ან ივნისის დასაწყისში დებს 2-3 კვერცხს. კრუხად მორიგეობით ჯდება ორივე მშობელი. საინკუბაციო პერიოდი 20-22 დღეს გრძელდება.

====კვება==== 
ძირითადი საკვებია პატარა ზომის თევზები, ხოლო მცირე რაოდენობით – ნაირგვარი უხერხემლოები – [[მწერები]], [[კიბოსნაირნი|კიბოსნაირები]], [[მოლუსკები]] და სხვ. თევზებს იჭერს ჩაყვინთვით.

====მნიშვნელობა==== 
პრაქტიკულად ინდიფერენტულია.

==წყარო==
*[[საქართველოს ფრინველების სარკვევი]]
[[კატეგორია:ფრინველები]]
[[კატეგორია:თოლიასნაირნი]]
[[კატეგორია:თოლიასებრნი]]
[[კატეგორია:მეთოვლია]]