იხილეთ წყარო გვერდისთვის მხები სიბრტყე

'''მხები სიბრტყე''' - S ზედაპირის [[მხები]] სიბრტყე M წერტილში ეწოდება სიბრტყეს, რომელიც გადის M წერტილზე და იმით ხასიათდება, რომ, როდესაც ზედაპირის M' წერტილი მიისწრაფვის M-კენ, მაშინ მანძილი ზედაპირის M' წერტილიდან ამ სიბრტყემდე უსასრულოდ მცირეა MM' მანძილთან შედარებით.
[[ფაილი:Mxebi sibrtye.png|მარჯვნივ|250პქ]]

თუ S ზედაპირის განტოლებაა f (x, y, z) = 0, მაშინ მხები სიბრტყის განტოლებას M<sub>o</sub>  (x<sub>o</sub>,y<sub>o</sub>,z<sub>o</sub>) წერტილში აქვს ასეთი სახე:

A (x - x<sub>o</sub>) + B (y - y<sub>o</sub>) + C (z - z<sub>o</sub>) = 0,

სადაც A, B, C არიან შესაბამისად ∂f/∂x, ∂f/∂y, ∂f/∂z კერძო წარმოებულების მნიშვნელობები M<sub>o</sub>  (x<sub>o</sub>,y<sub>o</sub>,z<sub>o</sub>)  წერტილში.

თუ ზედაპირი მოცემულია განტოლებით z = f(x, y), მაშინ მხები სიბრტყის განტოლებას M<sub>0</sub>  (x<sub>0</sub>,y<sub>0</sub>,z<sub>0</sub>)  წერტილში აქვს სახე:

:::[[ფაილი:Mxe007.png]]	

სფერული ზედაპირის მხები Q სიბრტყე შეხების A წერტილში პერპენლიკულარულია A წერტილში გავლებული 0A რადიუსისა. სფერული ზედაპირის მხებ სიბრტყეს მხოლოდ ერთი საერთო წერტილი აქვს სფეროსთან.
 
წრიული ცილინდრული ზედაპირის მხები Q სიბრტყე შეხების A წერტილში გადის A წერტილზე გამავალ MN მსახველზე და ცილინდრის ფუძის წრეწირისადმი N წერტილში გავლებულ BC მხებზე. წრიული ცილინდრული ზედაპირის მხები Q სიბრტყე ცილინდრის ღერძის ყველა წერტილიდან დაშორებულია ცილინდრის ფუძის წრეწირის R რადიუსის ტოლი მანძილით.

წრიული კონუსური ზედაპირის მხები Q სიბრტყე შეხების A წერტილში (რომელიც არ ემთხვევა S წვეროს), გადის A წერტილზე გამავალ SB მსახველზე და კონუსის ფუძის წრეწირისადმი B წერტილში გავლებულ MN მხებზე..


==წყარო==
[[მათემატიკის ენციკლოპედიური ლექსიკონი]]
[[კატეგორია:გეომეტრია]]
[[კატეგორია:მათემატიკა]]