იხილეთ წყარო გვერდისთვის შენახვის კანონები

'''შენახვის კანონები''' – მუდმივობის კანონები - ფიზიკური კანონზომიერებანი, რომელთა თანახმად, ზოგიერთი ფიზიკური [[სიდიდე (მათემატიკა)|სიდიდის]] [[რიცხვი (მათემატიკა)|რიცხვითი]] მნიშვნელობები უცვლელი რჩება [[დრო]]ის განმავლობაში ნებისმიერ ან განსაზღვრული კლასის პროცესებში.

შენახვის იდეა თავდაპირველად წარმოიშვა, როგორც ფილოსოფიური ვარაუდი მუდმივად ცვალებად სამყაროში უცვლელის, სტაბილურის არსებობის შესახებ. ბუნებაში მიმდინარე განუწყვეტელ ცვალებადობაზე დაკვირვებამ წარმოშვა წარმოდგენა მატერიის მუდმივ მოძრაობაზე, როგორც მის უმნიშვნელოვანეს თვისებაზე ([[თალეს მილეთელი|თალესი]], ანაქსიმანდრე, [[ჰერაკლიტე ეფესელი|ჰერაკლიტე]], [[დემოკრიტე]]).

შენახვის კანონები მჭიდროდაა დაკავშირებული ფიზიკური [[სისტემა (მათემატიკური)|სისტემის]] [[სიმეტრია|სიმეტრიის]] თვისებებთან. ეს ნიშნავს ფიზიკური კანონების [[ინვარიანტი|ინვარიანტულობას]] მათში შემავალი სიდიდეების გარკვეული [[გარდაქმნა (მათემატიკაში)|გარდაქმნების]] მიმართ, რაც განაპირობებს ისეთი ფიზიკური სიდიდის არსებობას, რომელიც ინახება.


==წყარო==
[[მათემატიკის ენციკლოპედიური ლექსიკონი]]

[[კატეგორია:ფიზიკის კანონები]]
[[კატეგორია:ფიზიკა]]