იხილეთ წყარო გვერდისთვის ჭაობის ჭოვილო

[[ფაილი:Waobis Wovilo.PNG|thumb|200px|ჭაობის ჭოვილო]]
'''ჭაობის ჭოვილო''' (''ლათ''. Tringa glareola Linnaeus, 1758) − ფრინველი [[მეჭვავიასნაირნი|მეჭვავიასნაირთა]] რიგიდან.
 
* კლასი − ფრინველები (AVES)
* რიგი − [[მეჭვავიასნაირნი]] (Charadrilformes)
* ოჯახი − [[მეჭვავიასებრნი]] (Charadriidae)
* ქვეოჯახი − [[ჭოვილოები]] (Tringinae)
* გვარი − [[ჭოვილო]] (Tringa)
ჭაობის ჭოვილო ჭოვილოებს შორის საშუალო სიდიდის ფრინველია, ფრთა 115-130 მმ-ია, გალო – 35-40 მმ, [[ნისკარტი (ფრინველის)|ნისკარტი]] – 25-30 მმ, წონა – 50-75 გ. დედალი ცოტათი დიდია მამალზე. შეფერილობაში სქესთა შორის განსხვავება არაა. ორივე სქესის ფრინველი ზაფხულში [[შავი ჭოვილო]]ს მსგავსია, მაგრამ ზურგის მხარეს უფრო ჭრელია, რადგან მოთეთრო კოპლები უფრო დიდები და ხშირია. კუდის ზემო მფარავები [[თეთრი (ფერი)|თეთრი]]ა, მათ შორის უფრო გრძელ ბუმბულებს აქვთ მოშავო-მურა ფერის განივი ზოლები. ნიკაპი, ყელი და მუცელი თეთრია. ჩიჩახვსა და მკერდის წინა ნაწილში არის მონაცრისფრო-მურა ფერის წინწკლები. თეთრი ფერის კუდის ქვემო მფარავებს გასწვრივი მუქი ზოლები გასდევთ. პირველი მომქნევის ღერო თეთრია, ხოლო დანარჩენებისა – მოწაბლისფრო (მისივე მარაოს ფერის). ნისკარტი მოშავოა, ფეხები – მოწაბლისფრო. ზამთარში კისრის უკანა ნაწილი და ბეჭებს შორის არე ერთფეროვანი მონაცრისფროა, ნათელი სიჭრელის გარეშე. კისრის წინა ნაწილი და ჩიჩახვი მონაცრისფრო კვამლისფერია, მცირე რაოდენობის არამკვეთრი შტრიხებით. 

====გავრცელება==== 
ბუდობის არეალი მოიცავს პალეარქტიკის ტყისა და ტუნდრის ზონების უდიდეს ნაწილს, [[დასავლეთი]]თ [[დანია|დანიისა]] და [[ნიდერლანდები]]დან. [[აღმოსავლეთი]]თ ჩუკოტკისა და კამჩატკის ჩათვლით. [[ჩრდილოეთი]]თ აღწევს 68-69-ე პარალელებამდე, ხოლო [[სამხრეთი]] საზღვარი გადის დაახლოებით ცენტრალური [[ევროპა|ევროპიდან]], კიევის, მოსკოვისა და რიაზანის ოლქების გასწვრივ ზღვისპირეთამდე. ზამთრობს [[აფრიკა|აფრიკის]] დიდ, უმთავრესად სამხრეთ ნაწილში, სამხრეთ [[აზია]]ში და მალაის [[არქიპელაგი]]თ აღწევს ჩრდილოეთ [[ავსტრალია]]მდე. [[საქართველო]]ში მოიპოვება მხოლოდ მიმოფრენის პერიოდებში. არის ცნობები მისი აქ ბუდობის შესახებაც, მაგრამ ეს სინამდვილეს არ შეესაბამება.

====ბიოტოპი==== 
ბინადრობს ტუნდრაში, კოლბოხიან, ხავსიან ან ბალახიან გაშლილ [[ჭაობი|ჭაობებში]], ტაიგის [[მდინარე]]თა და ტბების ტენიან ნაპირებზე – ხავსით, ბალახნარებით ან ბუჩქნარებით.

====გამრავლება==== 
[[მონოგამია|მონოგამიური]] ფრინველია. ბუდეს იკეთებს მიწაზე – მშრალ კოლბოხზე ან ბალახებს შორის. ზოგჯერ ბუდობს [[ხე]]ზედაც, სხვა ფრინველების მიერ მიტოვებულ ბუდეში. მაისის პირველ რიცხვებში დებს 4 კვერცხს. საინკუბაციო პერიოდის ხანგრძლივობა სამ კვირამდე აღწევს.

====კვება====
ჭაობის ჭოვილოს ძირითად საკვებს შეადგენენ წყლის [[მწერები]] და მათი [[ლარვა|ლარვები]]. ფრინველი იჭერს მათ სიარულის დროს, მაგრამ საჭიროების შემთხვევაში შეუძლია ღრმა წყლების გადაცურვაც.

====მნიშვნელობა==== 
აქვს სპორტული ნადირობის მნიშვნელობა.

==წყარო==
*[[საქართველოს ფრინველების სარკვევი]]
[[კატეგორია:ფრინველები]]
[[კატეგორია:მეჭვავიასნაირნი]]
[[კატეგორია:მეჭვავიასებრნი]]
[[კატეგორია:ჭოვილოები]]
[[კატეგორია:ჭოვილო]]