იხილეთ წყარო გვერდისთვის ჯილი ბენიამინო

'''ბენიამინო ჯილი''' − 20 მარტი 1890, რეკანატი − 30 ნოემბერი 1957, რომი), იტალიელი მომღერალი ([[ტენორი (ხმა)|ტენორი]]). სიმღერას სწავლობდა რომის სანტა-ჩეჩილიას აკადემიაში (ა. კოტონისა და ე. როზატისთან). 1914 შედგა ჯილის [[დებიუტი]] როვიგოს (ვენეციის მახლობლად) საოპერო სცენაზე. შემდეგ დიდი წარმატებით გამოდიოდა იტალიის მრავალ [[ქალაქი|ქალაქში]]. 1918 [[ტოსკანინი არტურო|ა. ტოსკანინიმ]] მიიწვია მილანის „ლა სკალას“ სცენაზე (ფაუსტის [[პარტია]] [[ბოიტო არიგო|ბოიტოს]] [[ოპერა]]ში „მეფისტოფელი“). 1920-32 ჯილი ნიუ-იორკის „მეტროპოლიტენ-ოპერის“ [[სოლისტი]] იყო. გასტროლებით შემოიარა მსოფლიოს მრავალი ქვეყანა. 1954-იდან საოპერო სცენა მიატოვა და საკონცერტო მოღვაწეობა განაგრძო. 

ბენიამინო ჯილი XX ს. ერთ-ერთი ყველაზე გამოჩენილი მომღერალია, [[ბელკანტო]]ს უდიდესი წარმომადგენელი. ჰქონდა იშვიათად ლამაზი ტემბრის, ყველა [[რეგისტრი|რეგისტრში]] თანაბრად და სავსედ მჟღერი ხმა, ნატიფი მუსიკალობა, ბრწყინვალე ვოკალური ოსტატობა. მისი პარტიებია: ნემორინო ([[დონიცეტი გაეტანო|დონიცეტი]]ს „სიყვარულის ნექტარი“), დე გრიე ([[მასნე ჟიულ ემილ ფრედერიკ|მასნე]]ს „მანონი“ და [[პუჩინი ჯაკომო|პუჩინი]]ს „მანონ ლესკო“), ლოენგრინი ([[ვაგნერი რიხარდ|ვაგნერი]]ს „ლოენგრინი“), რადამესი ([[ვერდი ჯუზეპე|ვერდი]]ს „აიდა“), კავარადოსი (პუჩინის „ტოსკა“), კანიო ([[ლეონკავალო რუჯერო|ლეონკავალო]]ს „ჯამბაზები“), ტურიდუ ([[მასკანი პიეტრო|მასკანი]]ს „სოფლის ღირსება“) და სხვ. გადაღებულია მრავალ ფილმში.


==წყარო==
[[მუსიკის ენციკლოპედიური ლექსიკონი]]
[[კატეგორია:ვოკალისტები]]
[[კატეგორია:იტალიელი ვოკალისტები]]
[[კატეგორია: საოპერო მომღერლები]]
[[კატეგორია: მეტროპოლიტენ-ოპერის სოლისტები]]